Village Kankobwa

Email: admin@kankobwavillage.com
Icon-facebook X-twitter Youtube Whatsapp
Menu
Let's Talk

News

Blog, News

Muri Afrika, abagore benshi baratinya kuvuga ivyerekeye amabanga mpuzabitsina kubera ari ikinyegezwa mu mibano, Guhuza ibitsina : “Hari abagabo bibaza ko nsoba mu gitanda” – Ingeneye , umugore w’iriba, umugore unyara cyane

/

Gusohora ku mugore rero n’ukurekura amazi mu gihe yegereje canke mu gihe co kurangiza.
Birashoboka ko hariho abatarabimenya. N’abagore bararangiza. Ugusohora ku mugore rero n’ukurekura amazi mu gihe yegereje canke mu gihe co kurangiza.

Ku bagore benshi, ayo mazi asohoka ari make. Ariko ku bandi, aba ari menshi cane, akirasa ari menshi gushika nko kuyangana na 300 ml (hafi ica gatatu c’iritiro), nk’uko bivugwa n’abahinga ku magara y’abagore.

Ni na ho havuye ijambo “femme fontaine” [umugore w’iriba]. Nk’uko bivugwa na Dr Vanessa Adrienne Kouatchouang Njewel, umuganga w’ibijanye n’imibonano mpuzabitsina, umuganga w’amagara y’abantu mu karere k’ubuvuzi ka Bangue i Douala mu gihugu ca Cameroun, umugore w’iriba bisigura “umugore, mu gihe c’ukuryoherwa cane (canke ariko ararangiza), arekura amazi menshi.

Uwo muganga agira ati: “Ni nk’uko umubiri wiwe woba uriko uramubwira ‘Uragaba, birarenze urugero!’ mu gihe ariko ararangura imibonano mpuzabitsina. Ivyo kenshi bijana n’uburyohe bwa cane.”

Yongerako ko ubwo buryohe bugenda butandukana ku mugore ku wundi kuko umubiri wose ufise uko umera iyo uwukuyakuye, ivyo rero co kimwe n’ibindi bijanye no guhuza ibitsina, birisa kuri buri mugore.

“Bamwe bavyumva nk’umupfunda w’uburyohe burenze, mu gihe abandi bumva barengewe n’uburyohe bukwi na bukwi ata n’isano bifitaniye no kurangiza. Ubwo buryohe rero bushobora guhindagurika: kuri umwe, ubwo buryohe bushobora ukwumva ingene uriko uraryoheewa, ku wundi umubiri ukigeza gutyo mu buryo busa n’uko atawumenya ingene bije”

Rero n’ico kinyegezwa abagabo bamwe bamwe badatahura, abandi bashaka kumenya, bakipfuza abagore bafise amazi nk’uko Fanta abivuga.
Kuvyibonako ubwa mbere, amasoni n’uburyohe

Abahinga barahuza mu kwemeza ko gusohora amazi atari mvukanwa ku mugore
Abahinga barahuza mu kwemeza ko gusohora amazi atari mvukanwa ku mugore. Uko imisi igenda ni ko umugore agenda avyibonako, kandi kenshi na kenshi, ntibihimbaye kubibamwo mu ntango.

Dr Kouatchouang Njewel agira ati: ” Uko bimaze kugaragara, benshi mu bagore bashobora kubibona uko bagenda bakora imibonano mpuzabitsina, urugero baryoherwamwo n’ingene biyumva ku giti cabo. Si ibintu vyiharijwe n’abagore bamwe bamwe, ahubwo n’inyishu ishoboka kuva ku bituma nko kubaho neza, kuruhuka hamwe n’urugero rwo kubishuhira.”

Fanta, akora akazi k’imibonano mpuzabitsina, yagiye kuvyibonako ashikanye imyaka 30, n’aho yatanguye ako kazi akiri muto. Ivyo bikaba bisigura ko yatanguye gukora imibonano mpuzabitsina akiri muto cane, ariko ntiyamenya ko afise amazi.

Fanta agira ati: “N’aho maze kuryamana n’abagabo benshi mu buzima bwanje, nagiye kubona ivyo bintu kuri jewe ntevye cane. Hari igihe naja Accra tujanye n’umuntu w’umugabo. Bwari bubaye ubwa mbere kandi umugabo anshimishije, anankorera ibintu ntazopfa nibagiye.”

Yongerako ati: “Turi mu mibonano, narabonye ko hari amazi ariko aransohokamwo ari menshi, yari nk’imbizi idudubiza, ariko muri ico gihe nyene nariko ndaryoherwa cane, birengeje, imbere y’uko numva amasoni imbere y’uwo mugabo na we nari najobetse”.

Nk’uko abivuga, uwo mugabo yabanje kwiyumvira ko ari amasobe(inkari). Ariko ayo mazi ntiyanuka. “Ku mugoroba twaciye dutaha i Lomé, ntiyasubiriye kundondera na rimwe.”

Abandanya avuga ko rwabaye urukundo rw’akanya gato kubera uwo mugabo atashimye ivyabaye. “Nibaza ko, kuri we, atatahuye ingene umukobwa akuze nka nje agisoba mu gitanda. Ikibabaje gusumba, muriko murahuza ibitsina”, uko ni ko yadusiguriye, ariko yongerako ko ubu aticuza.

Yaragize amahirwe yo kugwa ku mugabo amukunda cane inyuma y’amezi make, yipfuza kumenya igituma asoba mu buriri iyo ariko arakora imibonano mpuzabitsina.

Fanta agira ati: “Ni ho umuganga yatubarira ko ari ibisanzwe ivyo binshikira kandi ko atari amasobe. Uwo mugabo ntiyasubiye kumvirira amaze kumenya ivyo ari vyo. Arakunda kundaba ndiko ndarekura amazi, cane cane kuraba uburyohe burenze mba mfise mu maso no ku mubiri wanje wose.”

Kuzana amazi n’ukutigumya?

Blog, News

Urukiko rw’Ibanze rwa Kicukiro kuri uyu wa Gatatu tariki ya 6 Ugushyingo 2024, rwategetse ko Nyampinga w’u Rwanda wa 2022, Nshuti Divine Muheto afungurwa. Agahita agabanya kujya mu utubari, no kunywa inzoga

/

Ubushinjacyaha mu Rwanda bwasabiye Nyampinga w’u Rwanda Divine Muheto gufungwa umwaka umwe n’amezi umunani ku byaha byo gutwara imodoka yanyoye ibisindisha birengeje igipimo, kugonga ibikorwa remezo no guhunga aho yabikoreye.

Muheto w’imyaka 21 yazanywe mu rukiko mu gitondo kare kuri uyu wa kane, amasaha macye mbere y’uko iburanisha ritangira.

Icyumba gito cy’Urukiko rw’ibanze rwa Kicukiro cyari cyuzuyemo abanyamakuru benshi n’abantu baboneka nk’inshuti ze n’abo mu muryango we.

Amaze gusomerwa ibyaha aregwa, Divine Muheto wari wunganiwe n’abanyamategeko batatu, yavuze ko yemera icyaha cyo gutwara imodoka yanyoye no kugonga.

Mu ijwi rito, ryumvikana nk’iririmo ubwoba, yagize ati: “Ariko sinemera ko nahunze kuko imodoka nayirekeye aho. Nagize ubwoba kuko abantu bahuruye ari benshi ntinya ko bangirira nabi. Police ihageze nagarutse ubwanjye.”

Ubushinjacyaha bwavuze ko ibyaha aregwa bikwiriye igihano bumusabira. Bwavuze kandi ko Muheto yari yanyoye ibisindisha kugeza ku gipimo cya 4 kandi igipimo kihanganirwa ari 0.8.

Mu rukiko byatangajwe ko Muheto yatawe muri yombi ku cyumweru tariki 20 z’uku kwezi kw’Ukwakira, gusa ku wa kabiri 29 z’uku kwezi ni bwo polisi yatangaje ko afunze.

Blog, News

Kenya: Menya uno mugabo yagenywe kuba icegera c’umukuru w’igihugu inyuma y’ibogozwa rya Gacagua

/

Uno munyaporitike yaminuje mu bijanye n’amategeko ku rugero rwa PhD/Doctorat kuri kaminuza ya Pretoria muri Afrika y’Epfo, akaba amaze kwandika ibitabo birenga 30.

Afise uburambe mu bijanye n’intwaro, amategeko n’ibijanye n’ibwirizwashingiro mbere akaba yarahagarariye abatari bake mu bijanye n’amategeko.

Yatanguye poritike muri Ntwarante (3) igihe yatorwa kuba umukenguzamateka aserukira akarere ka Tharaka-Nithi akaba yarabaye n’umukuru wa nyarwinshi mu nama nkenguzamateka mu kiringo c’imyaka itanu.

Igihe yasubira gutorwa mu 2017, yabaye icegera c’umukuru w’inama nkenguzamateka gushika mu 2020 igihe abogozwa mu rugamba rwo kwirukana incuti za Ruto.

Igihe Ruto yatsinda amatora y’umukuru w’igihugu mu 2022, yaciye agena Kindiki muri reta yiwe ya mbere.

Kuva ico gihe, ni we yama aserukira abategetsi mu bihe vyari bigoye.

Mu mwaka uheze, haratowe ibiziga biharurwa mu majana vy’abantu bisonzesheje gushika barapfa mw’ishama riri mu mitumba ya kure. Uwitwa Paul Mackenzie yagirizwa ko yabahamagariye guhagarika gufungura. Mu gihe gushika ubu akiri imbere y’ubutungane, arahakana ivyo yagirizwa.

Inyuma y’aho ibi biziga bitorewe, Kindiki ni we yaserutse aho yavuze ko ivyabaye ari “ubwicanyi”.

Mu kwezi guheze, yaragendeye ishure ryari ryapfishije abanyeshure 17 bahitanywe n’umuriro wadutse mu nzu y’uburaro. Uno mushikiranganji yariyemeje “gukurikirana abo bose bagize uruhara muri iri sanganya”.

Mu 2022, hari ababona ko Kindiki ari we yari kugenwa nk’icegera ca Ruto, ariko Gachagua ni we yahavuye agenwa kubera ijambo rikomeye yari afise hamwe kandi n’amafaranga.

Ruto mu nyuma yavuze ko “yabuze akantu gato cane kugira ngo abe icegera”.

Ubu, sentare nkuru ya Nairobi yabaye irahagarika irahira rya Kindiki gushika yihweje ibirego vyashikirijwe na Gachagua kw’ibogozwa ryiwe.

Ibogozwa rya Gachagua riramutse ryemejwe, Kindiki ashobora kwiyerekana nk’icegera c’umukuru w’igihugu adahemuka kandi azokwaka agendera kw’ishaka ry’umukuru w’igihugu.

Blog, News

Mu minsi ibiri gusa, haguye imvura isumba iyigwa umwaka wose mu bumanuko bushira ubuseruko bwa Maroc

/

Iyo mvura idasanzwe iva ku kizwi nk’igihuhusi co hepfo no haruguru y’akarere k’ubushuhe n’imvura (tempête extratropicale)
Amasanamu y’ibigendajuru vya NASA yerekana ko ahahora ikiyaga kimaze imyaka 50 caragadutse, hagati y’ibisagara vya Zagora na Tata, ubu hongeye kwuzura.

Ku bw’ikigo c’isi kijejwe ibihe, OMM, inzinguzingu y’amazi kw’isi ubu iguma ihindagurika cane

Iyo mvura idasanzwe iva ku kizwi nk’igihuhusi co hepfo no haruguru y’akarere k’ubushuhe n’imvura (tempête extratropicale)
Amasanamu y’ibigendajuru vya NASA yerekana ko ahahora ikiyaga kimaze imyaka 50 caragadutse, hagati y’ibisagara vya Zagora na Tata, ubu hongeye kwuzura.

Ku bw’ikigo c’isi kijejwe ibihe, OMM, inzinguzingu y’amazi kw’isi ubu iguma ihindagurika cane.

Ubugaragwa bwa Sahara mu kigwati ca Merzouga, mu bumanuko bwa Maroc, imbere y’iyo myuzure.
”Kubera ubushuhe bwiyongeye, inzinguzingu y’imvura n’ingene umuhisha w’amazi usubira mu kirere yarihuse”, bivugwa na Celeste Saulo, umunyamabanga mukuru wa OMM.

Mu gihe ibihe bidasanzwe bisigaye biba vyinshi kubera ukwiyongera kw’ubushuhe bw’ikirere, abahinga bagereranya ko ibihuhusi nk’ivyo bishobora kuzokwongera kuba muri Sahara muri kazoza.

Blog, News

Bamwe mu batavuga rumwe n’ubutegetsi bw’Urwanda bari baje gushigikira Onana. Charles Onana yasabiwe ibihano vy’akarorero

/

Hamili yavuze ko yanabaye umukuru w’abunganizi (avocats) bose ba TPIR.

Uwo mugabo yemeje ko ibiri mu gitabo ca Onana no muri sentare mpanavyaha yashiriweho Urwanda vyavuzwe .

Hamuli yavuze kandi zimwe munnyandiko ziri mu bubiko bw’inyandiko (archives mu gifaransa) z’iyo sentare zerekana ko ivyo Charles Onana yavuze vy’abahutu bishwe n’abasirikare ba FPR bakiri inyeshamba zibigaragaza.

Rethy Hamuli yavuze ko n’abari mu gisirikare ca kera ”FAR” ku ntwaro y’uwari president w’Urwanda Juvenal Habyarimana yaburaniye hari abambitswe izera na sentare kuko basanze ivyo babagiriza ari ibinyoma.

Hamili yagirije ishirahamwe ry’abacikacumu Ibuka ryo mu Rwanda na reta y’Urwanda kugerageze gushira igitutu kuri iyo sentare, ivyatumye n’abambitswe izera na sentare vyanka ko baronka ikindi gihugu kibakira kubera igitutu leta y’Urwanda yashira ku bihugu vya Buraya vyipfuza kubakira nk’impunzi .

Hamili yarangije avuga ko uwuvuze ko hariho ubwicanyi bwakorewe Abahutu nk’uko Onana yavyanditse mu gitabo ciwe atoca yitwa uwuhakana jenoside yo mu Rwanda.
Kabanda yanagarutse no kw’ijambo ry’uwahoze ari umukuru w’Urwanda w’imfatakibanza/inzibacyuho Theodore Sindikubwabo yavugiye mu cahoze ari perefegitura ya Butare mu majepfo y’Urwanda, aho avuga ko yakoresheje ijambo ”kora” ivyo wewe yise ko kwari guhamagarira guhonya Abatutsi.

Yarangije asaba ko guhakana ko habaye jenoside ari ugutoneka imiryango y’ababuze ababo, nayo kubona Charles Onana yayise ubuswaganyi ”escroquerie” mu gifaransa ata kindi bigamije atari guha inguvu aboba bipfuza gukora iyindi jenoside aho bari kw’si hose.

Hakurikiye Jean François Dupaquier, umufaransa w’imyaka irenga 80 yumvirijwe nk’icabona c’abitwariye Charles Onana.

Dupaquier, umwanditsi yahoze ari ni umunyamakuru ni umuhinga w’akarere k’ibiyaga binini mu ntahe yiwe yagaragaje agashavu ariko avuga ibiri mu gitabo ca Charles Onana aho yakoresheje amajambo akarishe mu kucita ko ari ibintu bitagira umutwe n’amaguru ”idioties” mu rurimi rw’igifansa.

Dupaquier yibukije sentare ko yari umuhinga muri sentare yashiriweho Urwanda TPIR ko ibiri muri ico gitabo ca Onana casohowe na Damien Sirieix mu nzu yiwe yo gusohora ibitabo L’Artilleur ata na hamwe vyigeze bivugwa, akabona ko igitabo nk’ico ataho gitaniye n’imvugo aba Nazi ba Hitler bakoresha mu kwankisha Abayahudi ”shoah” mu rurimi rw’Igiheburayo .

Afise ibinyamakuru mu ntoke vyanditswe imbere ya jenoside nka Kangura n’ibindi, Dupaquier yarangije asaba sentare ko amajambo ari mu gitabo ca Onana ata kindi umuntu yoyita atari guhakana jenoside vyeruye, hakwiye ibihano vyeruye kugira vyihanikirize abanditsi nk’abo bahakana jenoside zabaye kw’isi .

‘Abantu nka Onana ntibakwiye kwidegemvya’-abunganira abamwitwariye
Hakurikiye uwaserukiye ishirahamwe ry’abacikacumu Survie, rimwe mu yitwariye Charles Onana. N’aho atashimye ko umwidondoro wiwe uja ahabona nawe nyene yasavye ko Charles Onana yohanwa bikwiye kubera igitabo yanditse gihakana jenoside yakorewe Abatutsi mu Rwanda.

Ku mugoroba w’ijoro ahagana isaha imwe imwe y’ijoro niho sentare yaha ijambo rya nyuma abunganira ababurana kugira basozere imburano.

Abunganira amashirahamwe indwi yitwariye Charles Onana na Damien Sirieix nibo bafashe ijambo ubwa mbere.

Uko ari abunganizi indwi batakambiye sentare gufata ingingo ya kigabo yo kubuza ko abahakana jenoside zabaye kw’isi kubandanya bakora mu bisebe abacikacumu bazo kuko ari ukubica kabiri.

Bongeye babwira sentare ko uwitwariye Onana atari reta y’Urwanda ahubwo ari abarwanya jenoside bo kw’isi yose ari naco gituma abantu nka Onana badakwiye kwidegemvya kugira guhakana jenoside ntibibe umuco kw’isi.

Scroll to Top